NAUTILUS ARETOA

70 metro ditu areto honek eta mota desberdinetako erakusketak egiteko egokituta dago.

Erabilera anitzeko gunea da, izan ere, Aquariumeko ibilbidean txertatuta egon arren, kanpotik ere sarbide bereizia izateko aukera du (Paseo Berrirantz igotzen diren eskaileretatik).

ERAKUSKETAK

Erakusketaren izenburua
Insuladas

Egilea
Irene Larrañaga
irenelarranaga.com

Lekua
Nautilus aretoa

Datak
Urtarrilaren 13tik martxoaren 12ra

Ordutegia
Aquariumaren ordutegia

Insuladas erakusketa itsasoan barrena besteen bakardadera eta norberaren bakartasunera bidaia-proposamena da. Erakusketa irla diren eta irla batean bakarrik bizitzea erabaki duten emakumeekin izandako argazki-topaketen emaitza da.
Argazki- eta emozio-kartografia da; haien erretratuetan ikusi eta jasotzen den bakardade konkistatuaren sendotasuna du abiapuntu, sororitatearen bidez orekatzen duten hauskortasuna. Argazki-topaketetan entzundakoaren eta bizitakoaren inguruko hausnarketak lagun, irlako pasealdi luzeetan jasotako irudiek osatzen dute erakusketa. Irla bera ere badelako protagonista.
Azken batean, askatasunari eta sororitateari egindako kantua da Insuladas, eta norberak bere burua definitzeari buruzkoa, ez bizitzako une bakoitzean ondoan dugunarekiko, baizik eta gure burua soilik kontuan hartuta.
Irla gara.
2022ko BAFFEST jaialdiko proiektu finalista.

Deskargatu informazioa